مل ناں گھگو
مِل ناں گُھگو وَجیا
فضلا ہولیں ہولیں آیا
کرما سبھ کجھ سَٹ کے بَھجیا
مل ناں گھگو وَجیا
فلمی نغمے سُن کے
ہوٹل وچ ہر گاہک ناں دل
کورے بھانڈے وانگوں وجیا
مل ناں گھگو وَجیا
کون کرایہ دیسی؟"
"پہلی نی اج پندرھاں ہوئی
منشی مُچھاں وَٹ کے گَجیا
مل ناں گھگو وَجیا
شاداں پیکے آئی
کوٹھے تے گلیاں نی رونق
نُورا لاڑے وانگوں سجیا
مل ناں گھگو وَجیا
بھاگو جگتی ماسی
گھر گھر گلاں، گھر گھر ہاسا
ہک پردہ چایا، ہک کجیا
مل ناں گھگو وَجیا
انجن کھٹ کھٹ چلے
دل لوہے نال لوہا ہویا
فِر وی بُھکھا پیٹ نہ رَجیا
مل ناں گھگو وَجیا
باقی صدیقی
No comments:
Post a Comment
Note: only a member of this blog may post a comment.