حسن والیا حسن دی خیر ہووی
کُلی عشق ہوراں تیرے شہر پا لئی
اساں گندیاں مندیاں بندیاں نے
یاری مالک المک دے نال لا لئی
کیتا برا تے دس کی برا کیتا؟
ادھا تیرا وی پہار ونڈھا لیا اے
خیر شر دیاں دو ہی گٹھڑیاں ہن
اک توں چا لئی اک اساں چا لئی
تیری بیڑی وچ بہہ کے وی ڈُب گئے ہاں
ہن کی آکھناں ہیں بیڑی ڈُبیاں نوں
تیرے سدا سہاگ دی خیر داتا
روگ سوگ دی راگنی اساں گا لئی
در تے آئے فقیر نوں چیر کھاندے
کُتے راکھویں چنگے سکھلاۓ ہوۓ نی
تیرے تکدیوں تیرے پُجاریاں نے
پہٹھی نرگ دی سورگ دے وچ تأ لئی
دائم آدم نوں کہیا ابلیس رو کے
بابا ویکھیا ای وسدا جبر ڈنڈا
تئیں تھیں گئی جنت مینوں پئی لعنت
فعل کسے دا تے مار اساں کھا لئی
دائم اقبال دائم
No comments:
Post a Comment
Note: only a member of this blog may post a comment.