ہن نہیں اگلیاں رہیاں گلاں
اوہدے نال ای گئیاں گلاں
ساڈے ذمے اوہو ای لگیاں
جہڑیاں کدی نہ کہیاں گلاں
چپ وی رہ کے ویکھ لیا سی
آخر کرنیاں پئیاں گلاں
جنہاں تے اوہ روون بہ جائے
میں اوھ ہس ہس سہیاں گلاں
جنیاں اوہدے ول سی تریاں
میں اپنے سر لئیاں گلاں
جاندا جھولی پا کے لے جا
اوہ رستے وچ پئیاں گلاں
اوہدے اگے سینہ دھریا
گولی وانگوں گئیاں گلاں
دنیا چن تے پج گئی طارق
تیریاں اوہو ای رہئیاں گلاں
طارق گجر
No comments:
Post a Comment
Note: only a member of this blog may post a comment.