کجھ نہ پچھ کیہ تنگی اے؟
ایتھے چپ ہی چنگی اے ؟
جھوٹھے دا مونہہ کھلیا اے
نہوں سچے دی سنگھی اے
ہڈ حرامی چھڈدے نہیں
روٹی رُکھ تے ٹنگی اے؟
کون کِسے لئی مردا اے
کون قضا دا سنگی اے؟
غلّے بھرچے شاہاں دے
جنتا بُھکھی ننگی اے
شاعر سادھ مرادا تے
دنیا رنگ برنگی اے
مِٹھا مِٹھا ہَسی اوہ
مَٹھا مَٹھا کھنگی اے
اوہنوں رب توں منگن لئی
رات مسیتے لنگھی اے
عرفان کھوکھر
No comments:
Post a Comment
Note: only a member of this blog may post a comment.