ولا کہیں سک نمانی توں
ولا کہیں ڈکھ پرانے تئیں
ہمیشاں دے زمانے توں
ہمیشاں دے زمانے تئیں
نہ رج کے کھلن ڈیندی اے
نہ رج کے روون ڈیندی اے
نہ کہیں دا ہوون ڈیندی اے
نہ اپنا ہوون ڈیندی اے
اے دنیا پیریں "مارو" اے
اے دنیا سر تے چھایا اے
اے دنیا لوڑھ کوہتری اے
اے دنیا لوڑھ مایا اے
ایں مایا نال جی ڈیکھوں
ایں مایا نال مر ڈیکھوں
محبت اپنی ویرن اے
محبت ول وی کر ڈیکھوں
اشو لال فقیر
No comments:
Post a Comment
Note: only a member of this blog may post a comment.