میڈے یاراں تے گال آ گئی اے
ڈھیر ساراں تے گال آ گئی اے
جہڑی ڈیکھنڑ توں کل شروع تھئی ہئی
اج اشاراں تے گال آ گئی اے
کل تاں روٹی وی انج نہ کھاندے ہن
سال صدیاں دا پندھ کریندی ہوئی
ہنڑ ڈینہوراں تے گال آ گئی اے
چنگا بھلا یقین ہوندا ہا
ہنڑ سپاراں تے گال آ گئی اے
راز فاشی دا پیرا چئے سے تاں
راز داراں تے گال آ گئی اے
روٹی جوگا سوال ہا میڈا
اٹھ قطاراں تے گال آ گئی اے
جیندا ڈر ہا اوہو تھیئے عابد
انتظاراں تے گال آ گئی اے
شفقت عابد
No comments:
Post a Comment
Note: only a member of this blog may post a comment.