میں چُپ چپاتے سوال بھیجاں جواب ڈیسیں؟
جے ہنجھ دے موتی وی نال بھیجاں جواب ڈیسیں
اے کیندی جئی دا ہے روز سودا ہے روز گروی
ایں ڈاج ڈیپے دا کال بھیجاں، جواب ڈیسیں؟
کڈاں میں پاتے جو میڈی کنڈ دا ازل توں سونھے
سماج تیڈا رواج تیڈا درندگی دا مزاج رکھدے
اے رُلدے لاشے میں لال بھیجاں جواب ڈیسیں؟
ہاں روز کربل دی سر زمین ءچ جو تیر گل تے
میں نندرو اصغر اُٹھال بھیجاں، جواب ڈیسیں؟
ایں تیڈے گھر ءچ اے روز فتوے میں روز کافر
میں تیڈو جنت سنبھال بھیجاں جواب ڈیسیں؟
اے لوک آہدن جو کاسی کافر مزاج رکھدے
میں اپنڑاں سینہ اگھال بھیجاں جواب ڈیسیں؟
فیاض کاسی
No comments:
Post a Comment
Note: only a member of this blog may post a comment.