ہسے جھگی واس نمانڑے
ساڈا کوئی تاں مرض سنجانڑے
سکھ بھولے درد سیانڑے
ساکوں سارا شہر سنجانڑے
ہکو سانول یار نہ جانڑے
ساڈے دریا پار ٹکانڑے
اساں یار دے گاونڑ گانڑے
بہوں اوکھے سود لہانڑے
ہسے قیدی وقت دے تھانڑے
ہنڑ تاں اپنڑا قتل کرانڑے
تیڈی مونجھ دے نال نبھانڑے
شالا یار جوانیاں ماڑے
تیڈی جھوک تے کے تئیں رہنڑے
ہسے جھگی واس نمانڑے
حسن مرتضیٰ
No comments:
Post a Comment
Note: only a member of this blog may post a comment.