درویشاں دلگیراں دا
نیلا رنگ فقیراں دا
سنت حضرت عیسیٰ دی
سادا کُرتا لیراں دا
اگلا پَینڈا اوکھا اے
اسی کملے وحشی لوک
ساتھوں پچھ زنجیراں دا
ظالم اپنی اکھاں نال
کم لیندا اے تیراں دا
دل یاداں دا ڈونگا کھوہ
اکھ دریا اے نیراں دا
گھاٹا نئیوں پورا ہوندا
ماپے ،بہناں ،ویراں دا
چنگا ماڑا کج وی نئیں
رولا اے تقدیراں دا
کندھاں کولوں پچھ تحسین
دکھ اے کیہہ تصویراں دا
یونس تحسین
No comments:
Post a Comment
Note: only a member of this blog may post a comment.