چڑھدے ولوں اوندی واء درساندی اے
لہندے ول نوں لال ہنیری آندی اے
امبراں تے اک تارا ٹم ٹم کردا اے
ویہڑے دے وچ دادی بات سناندی اے
مینوں مارن والیا اک گل یاد رکھیں
میری دھی برگد دیاں قلماں لاندی اے
میں جس نوں انسان سمجھنا چاہندا ہاں
اوہی نک وچ نتھ پا کے آ جاندی اے
ہولی ہولی زندگی عادی ہو جاۓ گی
اوبھڑ گھر دی ووہٹی اے، اپراندی اے
کہڑے پاسے طارق دشمن لبھاں میں
ایہ گولی تے گھر دے وچوں آندی اے
طارق گجر
No comments:
Post a Comment
Note: only a member of this blog may post a comment.