تیڈی تانگھ تس دی ترنگ ہے تیڈی ونگ ہے

تیڈی تانگھ تس دی ترنگ ہے، تیڈی ونگ ہے

میڈا انگ انگ امنگ ہے، تیڈی ونگ ہے

کہیں سنگ سنگ توں ترُٹ ونجے کوئی لُٹ ونجے

میڈی میں تاں نئیں میڈی منگ ہے، تیڈی ونگ ہے

تیڈی بانہہ ملوک دے مانڑ میڈی سنجانڑ ہن

تیڈے سنگ جو میڈا سنگ ہے تیڈی ونگ ہے

ہکا ہیر کھیڑیں دا روگ، رانجھے دی جوگ وی

بھانویں رنگپور، بھانویں جھنگ ہے تیڈی ونگ ہے

میڈا خیال تاں میڈا خیال ہے، میڈا خیال ہے

تیڈی ونگ تاں تیڈی ونگ ہے، تیڈی ونگ ہے

عزیز شاہد