باغی اسیں جماندرو
وکھرا ساڈا جم
نیندا ساڈی بالکی
جاگن دے نال کم
باغی اسیں جماندرو
انبر ساڈے ہتھ
واء نوں پائیے نتھ
ساڈے قد میں وچھدے
بادشاہواں دے رتھ
باغی اسیں جماندرو
ساڈے پنڈے لوہے ہار
گھُوری پا کے ویکھیے
ویری دیئے مار
کالے بوٹاں والڑے
ساڈے ہتھ دی مار
باغی اسیں جماندرو
باغی ساڈے ساہ
گڑھتی سانوں رتّ دی
منگے موت وی راہ
ہنب گیاں نیں سُولیاں
دے دے سانوں پھاہ
باغی اسیں جماندرو
جگیّ تے وریام
سُورج ساڈی گودڑی
مقتل ساڈی شام
پٹھے پلُس لیاوندی
ڈپٹی کرے سلام
باغی اسیں جماندرو
اج دا مطلع
ایس عشق دی ٹِکّی
ناں مٹھی نہ پھِکّی
رفاقت حسین ممتاز
No comments:
Post a Comment
Note: only a member of this blog may post a comment.