بکھ اپنڑی دے چلھے اگوں سینگی جنج ورتایا
روٹی دی جاہ توے اتیں آپ کوں آپ انڑایا
رود کوہی دے پانڑی پچھوں ونج تے وستی ڈٹھی
کتھاں کیندا گھر ہوندا ہا کہیں نئیں یاد ڈیوایا
آوی دے وچ تن اپنڑے دی مٹی پک نئیں سگی
پگھرو پانڑی تھی کیں اساں من اپنڑاں پرچایا
میں تاں ما دی جھولی دے وچ بانسری سنڑدا ہامی
گھر اپنڑے دی غربت میکوں فوجی آن بنڑایا
باندر کولوں تکھا اظہر کوئی وی تھی نئیں سگدا
بندے اپنڑے ٹکر سانگے بھولوں آن نچایا
اظہر کلیانی
No comments:
Post a Comment
Note: only a member of this blog may post a comment.