کوئی ہووے ہا
جیہڑا آکھے ہا
گھر شام کوں جلدی آیا کر
تیڈے نال دے سینگھے ڈیکھ تاں سہی
کوئی چندر دے سیراں کر آۓ
کوئی تارے تروڑ آسمانوں آۓ
کوئی روہ دی چوٹی چم آۓ
کوئی قید ہوا کوں کیتی پئے
تیڈے نال دے سینگھے
آکھ کرائیں کوڑیجے ہا
کوئی ہووے ہا
جیڑھا آکھے ہا
توں اتنی سگریٹ کیوں پیندائیں؟
تیڈا چہرہ پیلا کیوں تھی گئے؟
ونج گھر دو ونج، میڈے آندیاں تئیں
تیں گھر توں باہر نکلنا نئیں
جیں ویلے گھر دو آوے ہا، سمجھاوے ہا
کوئی ہووے ہا
جیڑھا آکھے ہا
تیڈی رات دی روٹی ٹھر گئی اے
مخمور زمانہ ٹھیک نوی
گھر شام کوں جلدی آیا کر
میکوں بابا اج احساس تھئے
کوئی ہووے ہا
جیڑھا آکھے ہا
مخمور قلندری
No comments:
Post a Comment
Note: only a member of this blog may post a comment.