پنجابی سرائیکی شاعری
لائیاں ہِم تاں توڑ نبھیساں اہدا ہا
پیار کوں ہرگز لِیک نا لیساں اہدا ہا
تونے لوک کریسن حِیلے
تیڈے ناں ہِن نین نشیلے
دید کنوں نا دید ہٹیساں اہدا ہا
تیڈا ناں لکھ چھوڑیم دل تے
ناں نا مِٹسے خود مِٹ ویساں اہدا ہا
گلشن دے وچ ویندے ہاسے
پھل ہک ٻے کوں ڈیندے ہاسے
اے منظر میں نا وِسریساں اہدا ہا
سوہنا عید شوال دا ڈینہہ ہا
پُس گئے ہاسے وسدا مینہہ ہا
نال تیڈے ہر عید منیساں اہدا ہا
نازش وعدے بھل گئے سارے
میڈے خواب تاں رُل گئے سارے
خوابیں وچ میں رنگ بھر ڈیساں اہدا ہا
صوفی نجیب اللہ نازش
No comments:
Post a Comment
Note: only a member of this blog may post a comment.