اسیں کتھے کھلوتے آں
ہتھ بَدھے تے پیر کھُبے نیں
اسیں کتھے کھلوتے آں؟
ساڈے پیر کتھے نیں؟
پرائے پیراں تے کھلوتے پیر
پنیاں تیکر لہو چ ڈبے اسیں کتھے کھلوتے آں؟
کسے آدم، حوا دی غلطی چ سنگسار کرن لئی
سانوں ایتھے کیہنے گڈیا اے؟
دنداں تھلے آئی جیبھ تے سکر جم گیا اے تے
اکھاں وی گونگیاں ہو گئیاں نیں
جے ساڈے نک ہون تے اسیں اپنی بو نال مر جائیے
شہیداں دے لہو دی خوشبو سُنگھ سُنگھ کے ساڈے دماغ مارے گئے نیں
پچھانہہ ہٹ سکنے آں نہ
اگانہہ ودھ سکنے آں
اسیں کتھے کھلوتے آں؟
طاہرہ سرا
No comments:
Post a Comment
Note: only a member of this blog may post a comment.