نی میں جاناں جوگی دے نال

نی میں جاناں جوگی دے نال

 رانجھا چاک نہ آکھو کُڑیو ایہنوں چاک کہندی شرماواں

تخت ہزارے دا اے مالک تے میں ہیر سیال صداواں

میں جئیاں لکھ ہیراں اس نوں تے میں کس گنتی وِچ آواں

بلہے شاہ رب کُوک سنے تے میں چاک دی چاک ہو جاواں

رانجھا جوگیڑا بنڑ آیا

اینیں انوکھا بھیس رچایا

احد و احمد نام رکھایا

نی میں جاناں جوگی دے نال

کنیں مندراں پا کے

متھے تلک لگا کے

نی میں جاناں جوگی دے نال

جوگی میرے نال نال

میں جوگی دے نال نال

جدوں دی میں جوگی دی ہوئی

میں وچ میں نہ رہ گئی کوئی

رانجھا رانجھا کردی میں آپے رانجھا ہوئی

جدوں دی میں جوگی دی ہوئی

میں وچ میں نہ رہ گئی کوئی

نی میں جاناں جوگی دے نال

نی ایہہ جوگی نہیں کوئی روپ ہے رب دا

بھیس جوگی دا ایس نوں پھبدا

اے جوگی میرے من وچ وسیا

سچ اکھاں میں قسم قرآن اے

جوگی میرا دین ایمان اے

اس جوگی مینو کیتا روگی

نی میں اس جوگی 

ہنڑ ہور نہ جوگی

نی میں جاناں جوگی دے نال

تر گئی وے تر گئی لوکو

اکھ جوگی نال لڑ گئی لوکو

مینو جوگن جوگی دی اکھو

ہیر سلیٹی مر گئی وے لوکو

کھیڑے کردے کوڑیاں گلاں

جوگی دے مہنے سر تے چلہاں

ہور کسے نوں کجھ نہ جاناں

جاناں تے جوگی نوں جاناں

اس دا پایا کسے نہ پایا

اس دا دو جگ تے سایا

اس دیاں دھماں دو جگ دھمیاں

اس دیاں جُتیاں عرش نے چُمیاں

اے جوگی جوگی متوالا

ہاتھ وچ الا للہ دی مالا

نام ہے اس دا کملی والا

نی میں جاناں جوگی دے نال

جے جوگی گھر آوے میرے

مک جاون سب جھگڑے چیڑے

نی میں لاواں سینے نال

لکھاں شگن منا کے

بلھے شاہ اک جوگی آیا

گھر ساڈے اونے ٹونا پایا

اونہے لٹ لئی ہیر سیال

آیا بھیس وٹا کے

نی میں جاناں جوگی دے نال

کنی مندراں پا کے

نی میں جاناں جوگی دے نال

ایہہ جوگی میرے من وچ وسیا

ایہہ جوگی میرا جوڑا کسیا

سچ آکھاں میں قسم قرآن اے

جوگی میرا دین ایمان اے

نی میں جاناں جوگی دے نال

جوگی میرے نال نال

میں جوگی دے نال نال

جدوں دی میں جوگی دی ہوئی

میں وچ میں نہ رہ گئی کوئی

نی میں جانا جوگی دے نال

نی میں جاناں جوگی دے نال

بابا بلھے شاہ