قوالی
مینوں یار دی نماز پڑھ لین دے
شرح دی گل فیر دس لئیں
کعبہ جان کے دوارے اودھے بہن دے
شرح دی گل فیر دس لئیں
سجناں دی کرم نوازی اے
کندھ پیار دی ہنڑ ڈھائی ہوئی اے
نہیں تے جگ کا چھڈدا مدتاں دی
لج یار دے رکھیاں رائی ہوئی اے
شرح دی گل فیر دس لئیں
خورے کی کہنا چاہندا ایں
سانوں یاد سجن دی آئی ہوئی اے
شرح اپنی پئی منواندی اے
سانوں یاد مناون دی پئی ہوئی اے
شرح دی گل فیر دس لئیں
جیدا تھوروں مقدر لڑدا اے
اوہی ویہڑے یار دے ورڈا اے
سولی تے اوہو چڑھدا اے
جنہے سند عشق دی لئی ہوئی اے
شرح دی گل فیر دس لئیں
یارا خود اے عشق سیانا اے
اینوں دنیا کی سمجھانا اے
شرح عشق دا ویر پرانا اے
گل سچ سیانیاں کہی ہوئی
شرح دی گل فیر دس لئیں
دل دے کے دلبر ماہی نوں
سر رکھ رکھ کے یار دے قدماں تے
فر سر اٹھایا جاندا نئیں
میرا دل اک ہے میری جان اک ہے
میرا دین اک ہے میرا ایمان اک ہے
جد رب رسول تے قرآن اک ہے
دوجا یار بنایا جاندا نئیں
شرح دی گل فیر دس لئیں
بلھے نوں لوکی متی دیندے
بلھیا آ بہہ جا وچ مسیتی
وچ مسیتاں دے کی کجھ ہوندا
جے دلوں نماز نہ نیتی
باہروں پاک کیتے کی ہووے
جے اندرے رہی پلیتی
بنا کامل مرشد بلھیا
اینویں گئی عبادت کیتی
شرح دی گل فیر دس لئیں
منع عشق دے میدان وچوں نسناں
کدی یار دا نئیں بھید اساں دسناں
مینوں یار دیاں قدماں چ بہن دے
شرح دی گل فیر دس لئیں
چھڈ تسبیح تے ٹھپ دے مصلے نوں
مینوں جان دے توں یار دے محلے نوں
سوہنے یار دے بوہے تے جھک لین دے
شرح دی گل فیر دس لئیں
No comments:
Post a Comment
Note: only a member of this blog may post a comment.