او اج تائیں ویلا نئیں بھلدا
او وقت البیلا نئیں بھلدا
ہک ہتھ اچ گھا دی گچھی تے
بئے ہتھ اچ لیلا نئیں بھلدا
بابے دی نپ کے انگل کوں
او ریت دے کوٹھے نئیں بُھلدے
کاٹھی دا ٹھیلا نئیں بُھلدا
نانی دے گھر دی روٹی تے
مکھنڑ دا بھیلا نئیں بُھلدا
او تار وَھیرے یاد ودین
پانڑی دا ریلا نئیں بُھلدا
ہائی شور اساڈی وستی وچ
آئے رات بگھیلا نئیں بُھلدا
مضطر کاظمی
No comments:
Post a Comment
Note: only a member of this blog may post a comment.