لیکھ لکھیجے پھیراں وِچوں
کد نکلاں گے نھیراں وچوں
نہ وی ہوون کڈھ لیندے نے
لوکی کِیڑے بیراں وچوں
انت نتارا کریاں نکلے
کئیں کئیں گِدڑ شیراں وچوں
لوڑاں تھوڑاں کڈ دِتی اے
ہمت ویکھ دلیراں وچوں
ایتھے دوزخ کھٹ لیندے نے
رَتی کڈھ کے سیراں وچوں
ربا! ہُن تے کڈھ دے سانوں
بھکھ دے گھُمن گھیراں وچوں
رہ گئے سجناں پچھے نجمی
نہ تِناں، نہ تیرھاں وچوں
سلیم نجمی
No comments:
Post a Comment
Note: only a member of this blog may post a comment.