کی کیہنا ایں میرے تے اعتبار نئیں
مطلب، تینوں تیرے تے اعتبار نئیں
اوہدے پنڈوں کاں تے اوندے ہوون گے
مینوں ایس بنیرے تے اعتبار نئیں
نقطے نوں پرکار نے چکر دتا اے
تاہئیوں گول قطیرے تے اعتبار نئیں
میں اکھاں تے چنہی ول کے سونی آں
سفناں کہندا اے ہنیرے تے اعتبار نئیں
پکھی واسن اکھ دا اللہ ای حافظ اے
جنہوں اپنے ڈیرے تے اعتبار نئیں
طاہرہ سرا
No comments:
Post a Comment
Note: only a member of this blog may post a comment.