روندی اکھ لئی ہاسے لبھدا پھرنا واں
دل لئی روز دلاسے لبھدا پھرنا واں
اس دھرتی توں وَیر دا زہر مُکاون لئی
اج وی پیار پتاسے لبھدا پھرنا واں
مُورکھ آں ناں جہڑا دل وچ وسدا اے
اوہنوں چارے پاسوں لبھدا پھرنا واں
سیراں پِچھے پأ گھڑاون مگروں وی
تولے چھڈ کے ماسے لبھدا پھرنا واں
کنے چر توں جیون پریے تیرے لئی
سرمہ، سک، دنداسے لبھدا پھرنا واں
جنہاں وچ ہووے پایس محبت دی
انج دے نین پیاسے لبھدا پھرنا واں
جہڑے ایویں گلیں باتیں ٹُٹن نہ
نجمی اوہ بھرواسے لبھدا پھرنا واں
سلیم نجمی
No comments:
Post a Comment
Note: only a member of this blog may post a comment.