اتھرو سٹن ماواں
جتھے ہوکے دین دہائی
اندروں نکلن ہاواں
اوتھے دسو کیہدے لئی میں گیت خوشی دے گاواں
کاہدا میں آزاد آں لوکو کاہدے جشن مناواں
جس دھرتی تے جنت بیٹھی
دوزخ وانگر سڑدی
رحمت دا سر ننگا ویکھ کے
کجنوں دنیا ڈردی
جتھے دن دے چانن اندر
رات دے نھیرے نچن
اگ برود دے بھانبڑ اندر
سفنے اکھ دے مچن
جتھے ساہواں گروی رکھ کے
اپنا ماس بچاون
جتھے بھکھ مکاون خاطر
لوکی موہرا کھاون
اس دھرتی تے کیہڑے جھنڈے دسو میں لہراواں
کاہدا میں آزاد آں لوکو کاہدے جشن مناواں
صغیر تبسم
No comments:
Post a Comment
Note: only a member of this blog may post a comment.