چل دلا چل اوتھے چلئے جتھے ماہی دل پرچاوے
ایتھے سب دے روگ نیں ذاتی کِہڑا درد ونڈاوے
چل دلا چل اوتھے چلئے جتھے وسدے شاناں والے
اک اتھرُو دا مُل اوہ پاونڑ قدراں جاننڑ والے
چلدا چل اوتھے چلئے جتھے میں دی جا نہ کوئی
عیبیاں دے سب عیب او کجے رحمت والی لوئی
چل دلا چل اوتھے چلئے جِتھے وسدے سجن پیارے
سجناں بوہے آن کھلوئیے بھُل جاونڑ دکھ سارے
چل دلا چل اوتھے چلئے جتھے بِن دسیاں سجنڑ دکھ جانے
نہ کوئی سانوں تکڑی تولے نہ وِچ چھاننی چھانے
چل دلا چل اوتھے چلئے جتھے گُن شکلاں تے بھاری
عشق دی مالا منڑکے سُتھرے کالیاں اُتوں واری
چل دلا چل اوتھے چلئے جِتھے چُپ دی سیج پیاری
اتھرو ٹِپ ٹِپ وِرد پکاونڑ، الف میم سُر جاری
No comments:
Post a Comment
Note: only a member of this blog may post a comment.