جِند وار کے یار دے قدماں توں
انج یار نوں راضی کردے آں
اساں یار دے ہو کے جینے آں
اساں یار دے ہو کے مردے آں
تیری ساڈی عبادت وچ ملاں
بڑا فرق ہے لکھا کوہاں دا
تُوں تے پڑھنا علم کتاباں نوں
اساں یار دا چہرہ پڑھدے آں
متھا گھس گیا سجدے کر کر کے
تینوں تاہیوں تے رب لبھیا نئیں
توں تے پتھر پُوجدا رہنا ایں
اساں یار دی پُوجا کردے آں
توں جھوٹھ دا رولا پائی جا
اساں سچ دی رولی پاؤنی اے
توں تے وہم نوں اللہ آکھی جا
اساں ویکھ کے سجدہ کردے آں
اساں علی کعبے نئیں جانا
اساں مکھڑا تکدیاں ہی رہنا
ساڈے لکھاں حج ہو جاندے آں
جدوں یارا درشن کردے آں
No comments:
Post a Comment
Note: only a member of this blog may post a comment.