کِنی کُو زندگی باقی کِنی کُو آس رکھاں
تیرے در تے کردے سجدے میرے جہے نے لکھاں
سقراط پیتا ہونائیں کیراں ہی زہر پیالہ
نِت زہر بے بسی دا ان چاہیاں میں چکھاں
جے پوٹے گھس گئے نے کی دوش ہے ایہناں دا
بہت اوسیاں نے پائیاں میرے نمانے ہتھاں
اک دو دن لئی جے ہُندا میں تکنیاں سی راہواں
ہُن بند ہو ہو جاون اپنے ہی آپ اکھاں
کئی مِلنیاں سی ہوئیاں نہ انت سی جنہاں دا
کنیاں دی یاد سامبھی تیرے گراں دے ستھاں
ایوں نھیریاں سی آئیاں بوٹے ہی پٹ گئے نے
توں ای دس کِنج سی بچنا میرے آلھنے دے ککھاں
No comments:
Post a Comment
Note: only a member of this blog may post a comment.