مینوں ول نئیں، توڑ نبھاون دا
ڈھولا! آپ نبھاویں
مینوں چج نئیں، توڑ نبھاون دا
ڈھولا! آپ نبھاویں
مینوں ول نئیں، توڑ نبھاون دا
چیلے دیاں تاراں نی
آپ نبھائیں ڈھولا، میں وچ عیب ہزاراں نی
مینوں ول نئیں توڑ نبھاون دا
ڈھولا! آپ نبھاویں
کوئی آکھو، شاید من جاوے
میرا کم تتڑی دا، بن جاوے
مینوں ول نئیں توڑ نبھاون دا
ڈھولا! آپ نبھاویں
کوئی ندیاں تر ویساں
دکھاں نال نہ مردی، تُوں چھڈیا تے میں مر ویساں
مینوں ول نئیں توڑ نبھاون دا
ڈھولا! آپ نبھاویں
پانی لایا مٹھیاں نُوں
مدتاں گزر گئیاں، مُکھ ڈھول دا ڈٹھیاں نُوں
مینوں ول نئیں توڑ نبھاون دا
ڈھولا! آپ نبھاویں
جو وی ہاں، ہاں سامنے تیرے
ڈھولا! پردے کج لئیں میرے
مینوں ول نئیں توڑ نبھاون دا
ڈھولا! آپ نبھاویں
میں جھلّی، میں جھل وللّی ماہیا، سگھڑ سیاناں
تیری ذات مطابق ماہیا، ہن میں آداب نہ جاناں
مینوں ول نئیں توڑ نبھاون دا
ڈھولا! آپ نبھاویں
دھر دھر کرن، سہیلیاں مینوں
میں ویکھاں مڑ مڑ کے تینوں
مینوں ول نئیں توڑ نبھاون دا
ڈھولا! آپ نبھاویں
جھات کرم دی مار وے ڈھولا
میں پاپن نُوں تار وے ڈھولا
ویلا ہو گیا خیراں پاون دا
ڈھولا! آپ نبھاویں
مینہ بدلاں چوں کن دے نی
بھاویں لکھ عیب ہوون، لجپال نہ گنڑدے نی
تیرا کم ہے لاج نبھاون دا
ڈھولا! آپ نبھاویں
میں مٹی، تُوں سونا ماہیا
میں کوجھی، تُوں سوہنا ماہیا
مینوں چاہ ہے درشن پاون دا
ڈھولا! آپ نبھاویں
مکھ ویکھ لواں پچھے مر جاواں
مینوں چاہ ہے درشن پاون دا
ڈھولا! آپ نبھاویں
میں ازلاں توں تیری کولی
بھر دے آس امید دی جھولی
تیرا کم ہے لاج نبھاون دا
بیبا! آپ نبھاویں
پیار تیرے دے ویہڑے وڑ کے
عشق تیرے دے بیڑے چڑھ کے
چیتا بھل گئیا، گھت نوں جاون دا
ڈھولا! آپ نبھاویں
ایسا مینوں گل نال لا لئیا
اوہ چیتا بھلیا مڑ کے جاون دا
ڈھولا! آپ نبھاویں
No comments:
Post a Comment
Note: only a member of this blog may post a comment.