گلاں چار سُنا کے ہر انسان نواں
کر جاندا اے میرے تے احسان نواں
خالی ویخ کے میرے گھر نوں کیہ آکھاں
آ جاندا اے روز کوٸی مہمان نواں
عشق، محبت، پیار دیاں راہواں اُتے
قدم قدم تے لگدا اے بہتان نواں
دل تاں خوب دھمالاں پاون لگ پیا اے
لگداٸے وانگ قلندراں ایہ وجدان نواں
کج تے ماڑیاں حالاں اُتے رحم کرو
جاری کردے رہندے او فرمان نواں
توں وی پتھر مار کے سجنا اگے ہو
”ساڈا کہڑا ہونا اے نقصان نواں“
میرے ہتھ پھڑا جاندا اے روز امین
ویلا تیریاں یاداں دا سامان نواں
امین اوڈیرائی
No comments:
Post a Comment
Note: only a member of this blog may post a comment.