شالا سال اگلا خیر دا ہووے
ایں سال تے گزریا واہ کمال اے
کئیاں پائے نی ون پونے لیڑے
کئیاں دی ہوسی ادھڑی کھال اے
کئی ٹُرے ہوسن راہ حق دی
کئیاں چلی ہونی الٹی چال اے
کئیاں گزاریا ہوسی وچ عیاشی
کئیاں دا ہویا ہوسی مندڑا حال اے
اگلا سال شالا انج دا ہووے
ناں آوے کیں تے کوئی زوال اے
سال اگلا مولا انج وکھیرا ہووے
پاکستان بنے دنیا وچ مثال اے
مولا تینوں اساں کی دسناں
تُوں تاں جانے اندروں حال اے
انجان تے ہو جاوے تِری نگاہ کرم
ایہو نکڑا جئیا اک سوال اے
فیاض احمد انجان
No comments:
Post a Comment
Note: only a member of this blog may post a comment.