بن جاوے جے گل تے تیرا کی جاناں
ہو جائے مشکل حل تے تیرا کی جاناں
اوکھیاں ساواں بھرن دا کوئی مل دے
اوکھا ویلا جاوے ٹل تے تیرا کی جاناں
اکھاں دید تیری دیاں پیاسیاں نیں
دے جا دید اک پل تے تیرا کی جاناں
میریاں سدھراں اج وی تیرے جوگیاں نیں
میں دا نکلے ول تے تیرا کی جاناں
شور پیا تے خلقت کثھی ہوئی اے
جندڑی چل سو چل تے تیرا کی جاناں
محمد سلیم
No comments:
Post a Comment
Note: only a member of this blog may post a comment.