چیک
بھریاں اکھاں اس لتھی شلوار توں ہٹ ای نہیں رہیاں
دین دے ٹھیکیدارو
کوئی فتویٰ؟
کوئی احتجاج؟
چونہہ سالاں دی بالڑی نے تہاڈی شلوار لاہ دتی
تہانوں کجھ نہیں ہویا؟
ریاست دے مامیو
تسیں ننگے ہو گئے جے
کالے کوٹاں والیو!، چٹ کپڑیو
لبرل آنٹیو، انکلو
ننگے ہو گئے جے
گلیاں سڑیاں ننگیاں لاشاں دی سڑاند
افففف
میرا ساہ رُک رہیا اے
عطر پھلیل دیاں سپریواں کرن نال کُجھ نہیں ہونا
نہ ای گنتی دے بوکے کڈھیاں ہُن کھوہ پاک ہونا اے
ماں دی چیک تہاڈا پِچھا کر رئی اے
جیہدے توں بچنا ناممکن اے
طاہرہ سرا
No comments:
Post a Comment
Note: only a member of this blog may post a comment.