کوٹھے اُتے کاں کُرلاوے سمجھ نا آوے
دُکھی دل نُوں ہور دُکھاوے سمجھ نا آوے
اکھاں والے چھَریاں دے نل چِڑیاں مارن
اَنہاں دانڑاں پانی پاوے، سمجھ نا آوے
چار چوفیرے دُکھاں دے پرچھاویں نظرن
بندہ کہڑے پاسے جاوے، سمجھ نا آوے
اکھاں مِیٹ کے کاغذ اُتے لِیکاں ماراں
صورت یار دی بنڑدی جاوے سمجھ نا آوے
خواب اِچ آؤن دا وعدہ کر تے وِچھڑن والا
خواب آوے تے خواب اِچ آوے سمجھ نا آوے
مرزا فیصل
No comments:
Post a Comment
Note: only a member of this blog may post a comment.