فلمی گاؤن (دوگانا)
ماہی وے سانُوں بُھل نہ جاویں
اللہ دا ناں ای دیر نہ لاویں
ہان دیا سجناں
لمبیاں اُڈیکاں دن پیار دے
ماہی وے سانوں بُھل نہ جاویں
اکھ تُو ملائی کویں
پے گئی جدائی کویں
کملی دا دل ہلیا
مچ گئی دہائی کویں
کمب گئی خدائی کویں
اج میرا ماہی چلیا
ملا وے گھر چھیتی آویں
بیبا وے سانوں نہ ترساویں
ہان دیا سجناں
لمبیاں اڈیکاں دن پیار دے
ماہی وے سانوں بُھل نہ جاویں
نِمیے ہوائے تک
سجناں نوں ذرا ڈک
کردی جا مہربانیاں
آخ دے توں بِنے شک
پہلی واری ہویاں این وکھ
سن لے وے میرے ہانیاں
وے بہتا چِر نہ تڑفاویں
نہ ساری ساری رات جگاویں
ہان دیا سجناں
لمبیاں اڈیکاں دن پیار دے
ماہی وے سانوں بُھل نہ جاویں
جناں چِر دِسیں نہ توں
اساں نئیوں موڑنا مونہہ
چیتا رکھییں جان والیا
ڈُبے پیا اج دن
شاماں پیاں تیرے بِن
سانوں روگ لان والیا
خط سانوں خیر دا پاویں
لائی آ ساڈے نال نبھاویں
ہان دیا سجناں
لمبیاں اڈیکاں دن پیار دے
ماہی وے سانوں بھل نا جاویں
حزیں قادری
No comments:
Post a Comment
Note: only a member of this blog may post a comment.