سن سنتالی 1947
لہو نال پِجھیا گھر نئیں بھلیا
سانوں امبر سر نئیں بھلیا
ہجرت والے دن دا منظر
لکھ بھلایا، پر نئیں بھلیا
جتھے ماں دا لیڑا لتھیا
او ویہڑا، او در نئیں بھلیا
چھاتی وَڈھی دِھی نئیں بھلی
پُت دا وڈھیا سر نئیں بھلیا
بہن نوں ویکھ کے آیا سی جو
بڈھے ہوگئے، ڈر نئیں بھلیا
دو دن لُک کے، بھکھے کڈے
ہالے او جنتر نئیں بھلیا
جتھے آساں نپ آئے ساں
گوہر اوہ اندر نئیں بھلیا
گوہر وریاہ
No comments:
Post a Comment
Note: only a member of this blog may post a comment.