جدید پنجابی شاعری
رمزاں بھریاں اکھاں اوس فنکار دیاں
دل کملے نوں ڈوب دیاں کدی تاردیاں
دنیا تے ہتھیار بناون والیاں نوں
شالا سٹاں وجن اکھ تلوار دیاں
لکھاں میل میزائیل بھاویں سفر کرن
ریساں نہیں پر دو نیناں دی مار دیاں
اوہدے نین چنانہہ وچ لتھن والیاں نوں
کتھے رہندیاں خاہشاں پرلے پار دیاں
جتن والیا، کاش کدی توں جان سکیں
کیہو جہیاں لذتاں نیں ایس ہار دیاں
عشق نگر دے موسم دا اعتبار نہیں
ٹھنڈاں ساڑن جسے، دھپاں ٹھار دیاں
اوہنے ہس کے آکھیا طارق؛ جان وی دے
کس کافر نوں جرأتاں فیر انکار دیاں
طارق گجر
No comments:
Post a Comment
Note: only a member of this blog may post a comment.