اوہدی چُپ روایا مینوں
نہ پُچھ کنج ستایا مینوں
دے کے دید تے اولھے ہویا
مل کے ہوش بُھلایا مینوں
مُلاں، حاکم، راہبر مجرم
چوراں ہتھ پھڑایا مینوں
میں اے میری لُٹ لُٹ کھاندے
میں دا ساک بنایا مینوں
تیرے باجھوں میں کی دساں
خاک سی خاک رلایا مینوں
شور سی پہلو دے وچ میرے
یار نے یار ملایا مینوں
مینوں دِتے تخت تے تاج
نائب رب بنایا مینوں
محمد سلیم
No comments:
Post a Comment
Note: only a member of this blog may post a comment.