نِکی جیہی گل میری ویکھو نی پیار دی
کڈی وڈی بن گئی کہانی سنسار دی
روپ نال کھیڈنا تے نیناں نال بولنا
کجھ دُکھ دسنا تے کجھ دُکھ پھولنا
جگ نے بنا لئی ہے دھار تلوار دی
نکی جیہی گل میری ویکھو نی پیار دی
کڈی وڈی بن گئی کہانی سنسار دی
زندگی نے راہ سی پیار والا دسیا
اک پَل ہاسا نہ جوان ہو کے ہسیا
آئی نہ جوانی کوئی پُھلاں تے بہار دی
نکی جیہی گل میری ویکھو نی پیار دی
کڈی وڈی بن گئی کہانی سنسار دی
چُپ چُپ وسنا تے لُک لُک ہسنا
دسنا جے کجھ فِر کُجھ وی نہ دسنا
جِت نوں سنائی جانی گل سدا ہار دی
نکی جیہی گل میری ویکھو نی پیار دی
کڈی وڈی بن گئی کہانی سنسار دی
سجناں ایہہ بڑا اوکھا پندھ وے پریت دا
جگ نوں کی پتہ تیری زندگی دے گیت دا
کنڈیاں چ وسے، آس رکھے گُلزار دی
نکی جیہی گل میری ویکھو نی پیار دی
کڈی وڈی بن گئی کہانی سنسار دی
نند لال نورپوری
No comments:
Post a Comment
Note: only a member of this blog may post a comment.