جدید پنجابی شاعری
کیتے قول نباہ نی جِندے
عشق اُلاہمے لاہ نی جِندے
اِنج سُولی تے پا دھمالاں
موت وی آکھے واہ نی جندے
دل دے کپاں وچ ای ٹھر گئی
میری اوہدی چاہ نی جِندے
میں ویکھے نیں چن تے سُورج
اندروں کالے شاہ نی جِندے
اوڑک اِک دِن ڈنگ لیندے نیں
سپ، سجن تے ساہ نی جِندے
جینا کیہ سی پئے گئے ساڈے
گل توں وڈے پھاہ نی جِندے
خورے سندھو مُڑ ای آوے
راہ تے منجا ڈاہ نی جِندے
ارشاد سندھو
No comments:
Post a Comment
Note: only a member of this blog may post a comment.