سجناں نال وکھیڑے چنگی گل تاں نہیں
گل گل دے وچ جھیڑے چنگی گل تاں نہیں
ساڈے نیڑیوں اٹھ کے ویکھ لے سجناں توں
بہویں رقیباں نیڑے چنگی گل تاں نہیں
رانجھے دیون گال جوانی جھنگ دے وچ
ہیر نوں لے جان کھیڑے چنگی گل تاں نہیں
منیاں اوس گلی وچ سجن بہندے نے
پر گیڑے پر گیڑے چنگی گل تاں نہیں
طارق ساہویں بہ کے گھلیں غیراں نوں
قاصد ہتھ سنیہڑے چنگی گل تاں نہیں
طارق گجر
No comments:
Post a Comment
Note: only a member of this blog may post a comment.