جہڑے لکھ کروڑ دے ربا
میری رَت نچوڑ دے ربا
مینوں ساری دنیا چھڈ گئی
دکھ نہیں مینوں چھوڑدے ربا
بندیاں اگے جھکناں پیندا
نہ توں اینی تھوہڑ دے ربا
مینوں ساری دنیا چھڈ گئی
دکھ نہیں مینوں چھوڑدے ربا
گل کیہ کرئیے گل نہیں سنڑدے
گل سنڑ کدے نہ موڑدے ربا
بندیاں اگے جھکنا پیندا
نہ توں اینی تھوڑ دے ربا
چڑیاں وانگر عمر وہائی
تیلا تیلا جوڑدے ربا
اپنے کوجھ نوں دور نہیں کر دے
شیشے رہندے توڑدے ربا
ساڈے نال نہ آڈھا لا توں
اسیں نہیں تیری جوڑ دے ربا
نصیر کوی
No comments:
Post a Comment
Note: only a member of this blog may post a comment.