ABSURD INFINITE
ہک حویلی
ہک اروڑی
کالے رنگ دا کُتا
سو ورھیں دیاں بکھیاں اکھیں
ڈہدین باہر دی کندھ دو
جھٹ اروڑی گند دو
سنگ اروڑی
کوک دے ڈھکنے
جینز دیاں تھگڑیاں
بتھے نقشے
کجڑے کنڈوم
کہیں اسقاطی رحم دے وانگوں
مالبرو دے خالی پیکٹ
لیفٹ اوور دے ڈبے دے وچ
دولے شاہ دے چوہے
ڈلھار ڈنبھار دیاں انڑ گنڑ نسلاں
تریجھی دنیا
کتا کہیں کوں منہ نی لیندا
ڈہدیں ڈہدیں
باہرلی کندھ دے باہرلے پاسوں
وقت دا ہتھ نکلدے
ہتھ ڈراکل ہتھ
ہتھ دے وچ ہن
حیض دیاں تھگڑیاں ہوند دلیلاں
کتا منہ وچ تھگڑیاں پا کے
پورا پہر رُڑیندے
چن چُھٹ ویندے
چُھٹا چن الویندے
فجر کوں ہوسی نویں صدی
نویں نیکی نوی بدی
زبیر احمد چچہ
No comments:
Post a Comment
Note: only a member of this blog may post a comment.