پیار دی تختی لِکھن ناں ہوئی
بیٹھے گاچی ملدے رہ گئے
تیرے تِیک اپڑاون والے
پینڈے سانوں دلدے رہ گئے
عشق کمینہ! لارے لاوے
اِک دو ٹِبے تھلدے رہ گئے
کُج تعبیر نوں موڈھے دیون
کُج خاباں وِچ چل دے رہ گئے
پانی وچ وی آس دے دِیوے
نیناں اندر بلدے رہ گئے
دھولے برف نال چِٹے کر لئے
ہُن بس مسئلے کھلدے رہ گئے
نفرت دی رُوڑی وچ دئبے
سوچ دے کیڑے پلدے رہ گئے
ویلے توں کلیاں نئیں پِچھڑے
کُجھ پل ساڈے ولدے رہ گئے
بندیاں! بندہ بھُل جانا ں پر
چرچے ساڈی گل دے رہ گئے
تنویر شاہد
No comments:
Post a Comment
Note: only a member of this blog may post a comment.