کدی مہاراں موڑ وے بیبا
سانوں تیری لوڑ وے بیبا
کنڈھے لاؤن دا قول سی کِیتا
شوہ ءچ نہ ہُن چھوڑ وے بیبا
وسّوں گَل نکل جاندی اے
دل ڈاہڈا انموڑ وے بیبا
ہیرے توں ودھ مُل کدی سی
ہُن گلیاں دے روڑ وے بیبا
بُھکھ ننگ تے ساڈے لئی اے
تینوں کاہدی تھوڑ وے بیبا
ساڈے والی گَل اے مُکی
ہتھیں آ کے ٹور وے بیبا
سُکے رُکھ ہرے نہ ہوندے
پنچھی جاندے چھوڑ وے بیبا
روح تے پھٹ اوَلّے لائے
بھرنے نئیں ایہہ کھوڑ وے بیبا
بشریٰ لئی تُوں امب دا بُوٹا
باقی پِپل، بوہڑ وے بیبا
بشریٰ خلیل
No comments:
Post a Comment
Note: only a member of this blog may post a comment.