اسیں کیہو جہے انسان
ساڈے ازلوں لیکھ اولڑے
ساڈے متھے لکھیا رؤن
ساڈا جمناں کیہڑے کار دا
ساڈا کیسا بیہن کھلون
ساڈے دل وچ بھانبھڑ سوگ دے
ساڈی اکھّیں وچ چنّاں
اسیں جمیے جیہڑے گھار وی
سانوں آکھن لوک بلاں
ساڈی ہوند دی چُنّی پاڑ کے
اتّے ویلے وٹیا وان
اسیں کیہو جہے انسان
بن پیریں حرص دے گھنگرو
پئے نچیۓ وچ بزار
سانوں ویلے چھمکاں ماریاں
ساڈے دل دے ہوئے لنگار
ساڈے پل توں نکے ہاسڑے
ساڈے عمروں وڈے روگ
پہلاں چتھیا وانگ دنداسڑے
فِر سُٹیا سمجھ کے پھوک
سانوں کسے نا اپنا جانیاں
ساڈا کسے نا رکھیا مان
اسیں کیہو جہے انسان نی اڑیو
بشریٰ ناز
No comments:
Post a Comment
Note: only a member of this blog may post a comment.