جی کردا اے اُچی اُچی روواں میں
کوئی نہ ہووے توں ہوویں یا ہوواں میں
اپنے آپ چہ لُکیا اوہنوں ویکھن لئی
مُڑ مُڑ شیشے موہرے آن کھلوواں میں
لوکی مینوں ادھی پاگل کہندے نیں
ہو سکدا اے پوری پاگل ہوواں میں
مینوں کول بٹھا کے مینوں لبھیا کر
تیرے ہوندیاں ہویاں کیویں ہوواں میں
کد تک جاگاں اکھاں میٹ کے دُنیا وچ
کد تک بشریٰ اکھاں کھول کے سوواں میں
بشریٰ ناز
No comments:
Post a Comment
Note: only a member of this blog may post a comment.