نئیں ماڑا ویکھ للکاری دا
نئیں سدھا ویکھ کے چاری دا
جے ہوئیے بھیناں والے تے
نئیں کسے دی بھین نوں تاڑی دا
جہڑا غلطی اپنی من لیندا
نئیں اس نوں فیر ہے ماری دا
جہڑا ادب لحاظ چہ چپ ہووے
نئیں اس نوں بیبا جھاڑی دا
جہڑی منزل تک پچاوے نہ
کی کرنا اوس سواری دا
جہڑا موسم دا نہ بیج ہووے
نئیں جا کے کھیت کھلاری دا
جے اندر پاکی ہووے نہ
کی کرنا پردہ داری دا
جے سوچاں وچ کوئی ہور وسے
کی کرنا ٹکر ماری دا
جت ہندی سچے دل دی اے
بھلا ہندا نئیں عیاری دا
مل جاندا سیر نوں دو سیر اے
کریں مان نہ توں فنکاری دا
گل پلے بن شبیر میری
صِلہ ملدا خدمت گاری دا
شبیر حسین
No comments:
Post a Comment
Note: only a member of this blog may post a comment.