ساڈے شوق گلاباں ہار سن کنڈیاں نال کھیہہ گئے
اسیں سی نہ کیتی فیر وی سب ہس کے سہہ گئے
ساہنوں ریت رواج دے نام تے جگ قید سنائی
اسیں پیریں سنگل پا لئے
چپ کر کے بہہ گئے
دل رویا ٹاہاں مار کے فر اندرو اندری
کجھ روگ کسے دی سِک دے
سانوں کرن اداسے
کوئی ہاسے کھو کے لے گیا
وچ ہاسے ہاسے
جدوں عشقا تیری ہوند دے
ودھ گئے سیاپے
اسیں ہتھیں سُولیاں گڈیاں
تے چڑھ گئے آپے
کوئی آوے ایسا ماندری جو کیلے تینوں
اسیں بے پرواہا جتناں
ہر حیلے تینوں
بشریٰ ناز
No comments:
Post a Comment
Note: only a member of this blog may post a comment.