ساڈے اتے رحمتاں دی چھاں کری جاندا اے
سوہنا من موہنا ساڈی جھولی بھری جاندا اے
میرا وی شمار ہووے اوہدیاں غلاماں وچ
ایسے لئی بلال سارے دکھ جھری جاندا اے
دتا سی میں واسطہ اللہ نوں حضور دا
مدتاں دا ڈبیا بیڑا تری جاندا اے
رب اوہنوں مکے تے مدینے وچ سدھ لئے
جیہڑا سرکار دیاں نعتاں پڑھی جاندا اے
نازاں نال جاندا اے شہر مدینے نوں
لگدا اے جیویں سوہنے نال ٹری جاندا اے
سجاد بخاری
No comments:
Post a Comment
Note: only a member of this blog may post a comment.