گونگے حرفاں نوں میں زیراں زبراں نال
واج دواں، تے بولدے اپنی قدراں نال
ساڈے ہاسے گروی رہنے ویلے کول
چپ جے ساڈی عادت بن گئی جبراں نال
موت نے سڑکاں اتے لٹ تے پانی سی
شہر دی کنڈ جو جا لگی اے قبراں نال
ہسدا وسدا ویکھ کے اپنے حالاں وچ
لوکاں مینوں بھریا زہری خبراں نال
ظفر ایہہ جیہڑے بے صبرے نے دنیا تے
ایہناں نوں جے جینا پے جائے صبراں نال
ظفر اقبال
(چونیاں والے)
No comments:
Post a Comment
Note: only a member of this blog may post a comment.