پہاڑ دُکھاں دا دل نے ڈھویا، تے دل نئیں رویا
تے جیہڑا اکھاں نے خون رویا، تے دل نئیں رویا
حقیقتاں وچ تے اوہدے جاون دی سوچ نئیں سی
مگر جدوں خاب سچا ہویا، تے دل نئیں رویا؟
بس ایہو میرے گناہ دی بخشش دا فرق آیا
جدوں وی اکھاں نے داغ دھویا، تے دل نئیں رویا
میں دل دے ہسن دی آس وی رو کے بہہ گیا ساں
فر اک دن ایہہ وی کمال ہویا، تے دل' نئیں رویا
ظفر! میں پتھر دی ہور کیہڑی مثال دیواں
کوئی پیارا وی ساہویں مویا تے دل نئیں رویا
ظفر اقبال
(چونیاں والے)
No comments:
Post a Comment
Note: only a member of this blog may post a comment.